Sugat
WILD ORCHIDS - Cindy Jones () - April 3, 2012 - 12:00am

Gula 2

 Pareho diay sila si Merlyn ug Peter (kon Pedro) nga magbabasa sa Banat News. Matag adlaw sila nga nagsunod sa mga sugilanon nga maoy unahon nila pagbasa sa dili pa basahon ang balita sa front page.

Nadani si Merlyn nga mopadala og gamay’ng mensahe sa Banat Inbox aron pagdasig sa mga magsusulat, ilabi na ni Cindy Jones nga tagsulat sa misikat nga Wildflower. Naguol gani si Merlyn kay nawala man kadiyot ang Wildflower apan nalipay kay gipulihan man kini sa Wild Orchids.

Sagad sa magpadala og mensahe sa Banat Inbox dili motug-an sa apelyido, apan si Merlyn gibutang g’yud ang iyang apelyedo. Kini maoy rason nga nabasahan ni Peter nga kanhi niya hinigugma sulod sa duha ka tuig.

Gituyo ni Peter nga mag-alyas sa ngalang Pedro sa pakigsuod niya pagbalik ni Merlyn kay nagtoo siya nga nasuko pa kini kaniya dihang nasakpan siya nga nangulitawo og laing babaye ug kauban pa gayud ni Merlyn kaniadto sa opisina.

Kini gani ang rason nga miundang si Merlyn pagtrabaho sa opisina nga didto usab magtrabaho kadtong babaye nga gikabuangayan sa hinigugma niya nga si Peter.

“Naghinam-hinam na g’yud ko Mer nga magkita kita unya sa sugat,” giingnan ni Pedro si Merlyn pinaagi sa text. Nasayran ni Pedro nga bag-o pa nga nagkabuwag si Merlyn ug ang iyang hinigugma ug mag-inusara lang kini nga motambong sa sugat.

“Gusto ka ba Mer nga adto na motambong sa sugat sa Minglanilla kay daghan kuno kaayong tawo nga manan-aw diha. Dunay mga bata nga himoong anghel,” matud ni Pedro.

Taud-taud, mi-reply si Merlyn. “Sigi Peds kay wala pa g’yud ko makatan-aw sa sugat diha nga gidungog nga alegre.”

Naghuna-huna dayon si Pedro og paagi kun unsay iyang himoon kun magkita na sila si Merlyn. Diha sa iyang huna-huna kun dili ba kaha moatras si Merlyn inigkakita nga ang Pedro nga iyang ikakita sa sugat, mao diay si Peter nga kanhi niya hinigugma.

“Human ta motambong sa sugat Mer, mangadto ta og beach aron magpalabay sa oras kay Domingo man, walay trabaho,” ni Pedro pa sa iyang text. “Sigi!!!!” mubo nga tubag ni Merlyn.

Nakahuna-huna si Pedro nga suknaon si Merlyn kun unsay iyang buhaton kun makakita sa kanhi niya mga hinigugma. “Dili g’yud ko motagad kay dili na ko gusto nila,” matud sa dalaga.

Naguol si Pedro sa tubag sa dalaga sa iyang text. (Sumpayan)

BANAT INBOX BANAT NEWS CINDY JONES IYANG KAY KINI MERLYN NAGUOL PEDRO SIGI PEDS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with