Anhing wan-a

Wa pa diay ka mahuma’g ilis? matud ni Dik pag-abot niya sa bay sa iyang higala nga si Oding. Nagsabot man gud sila magdungag adto ron sa menteryo aron managkot og kandila alang sa mga kaliwat nila nga mitaliwan na sa laing kinabuhi. Gibutang usa niya sa lamiseta ang iyang dang mga kandila ug buwak ug milingkod sa lantay. Samtang nagsud-ong sa iyang higala nga busy sa pag-style sa iyang hinapay ning adlaw sa mga minatay, nga wa gani makatimbaya kaniya.

Nagngisi siyang nagtan-aw sa iyang amigo nga puwerteng nakapagwapo mora’g moadto’g disco nga unta adto ra man sila sa menteryo. Dihay komedya nga misantop sa iyang hunahuna alang sa iyang higala nga pwerteng nakapagwapo rong buntaga. Bag-o’g sheds, sapatos ug sinina.

Hinuon nakasabot ra pod siya nga da-pantsiks ning sa iyang higala. Unsaon daghan man pong mga sexy ug hubag kaayo nga mga babaye nga nagsuroy-suroy sa menteryo rong adlawa.

“Nganong sige man ka’g ngisi nga nagtan-aw nako, Bay. Dik?” matud ni Oding nga mao pay pagkabantay dihang human siya’g pamustora ug andam nang molakaw padung sa menteryo.

“Gwapo man gud kaayo ka’g sinul-oban, Bay. Mora’g si anhing wan-a!” tubag bugalbugal ni Dik nga ganiha ra niyang giandam pagsulti kay na-S, lagi. Nasuya ba. Ug pwerte niyang katawa.

“A, ikaw gyud, mora’g si anhing napa!” abtik pod nga balos ni Oding nga napikal nga maoy nakapakiom sa baba ni Dik. (Katapusan)