Ayaw'g tagda
Sugilanon - Mariano Gabila Puentespina () - August 22, 2011 - 12:00am

Ang akong asawa, si Lily, nagtrabaho sa usa ka dakong kompaniya nga namaligya sa "ladies undergarments" sama sa girdle, panty ug bra. Dekaledad ang maong mga produkto sanglit imported ang mga materyal niini. Hinuon, dinhi lang tahia sa Pilipinas.

Kun ang tigbaligya sa maong mga produkto maka-recruit og ubang mamaligya, dunay ihatag nga premya ang kompaniya ("in cash or in kind").

Tungod kay daghan kaayo ang na-"recruit" ni Lily, nahimo dayon siyang supervisor. Duna pa gyud siya’y over-riding commission sa iyang mga sakop.

Hinungdan nga daghan ang mga premyo nga gihatag ug gi-deliver sa panimalay ni Lily.

Niini, dali kaayong nakamatikod ang mga himantayon. Gilayon misugod dayon sila pagtukodtukod og mga sugilanon nga makadaot sa pagkatawo ni Lily. Ilang gitumotumoan siya nga adunay kabit nga kuwartahan.

Miabot gayud sa pandungog ni Lily ang maong pasangil. Namuaypoay ang kalagot niya niini! Grabe ang paghilak niya...!

Milaban dayon ko sa minahal kong asawa.

"Day, ayaw'g kabalaka ug kaguol sa gibuhat kanimo sa mga masinahon ... nasayod ko nga wa ka magbuhat og dautan. Limpiyo ang imong tanlag. Wa kay sala," miingon ko uban ang paghapuhap sa bukobuko sa akong asawa.

"Apan sobra na pod ang ilang pagpakauwaw nako, uy ... dili na makiangayon!" Mipadayon pagbuhagay ang iyang mga luha.

"Ayaw na lagi’g kabalaka ug kaguol. Laksia na kana sa imong hunahuna ug kasingkasing. Kay sa giingon ko na, wa kay sala. Ang imong kinitaan nakuha sa minatarong nga paagi!"

Naghingushingus si Lily samtang giumod niya ang iyang nawong sa akong dughan.

"Day Lily, sa makausa ug kataposan, linawa na ang imong pangisip ug pagbati. Ug labaw sa tanan -- ayaw'g tagda ang mga gipanulti sa mga masinahon!" (Kataposan)

APAN AYAW DAY LILY DEKALEDAD DUNA GILAYON LILY
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with