^

Sana, dalawa ang puso ko

WILDFLOWER - Cindy Jones () - June 29, 2011 - 12:00am

Gula 3

Kaganina ra nga nakabantay si Albert nga samtang nagdagan ang gisakyan nilang motorsiklo paingon sa motel sa V. Rama, gigakus na ni Evelyn ang tuo niyang kamot sa iyang hawak.

Gituyo ni Albert nga paspas ang pagpadagan sa motor nga ilang gisakyan aron nga wala kaayo’y makabantay kanila. Dihang duol na sila sa motel, giabtik ni Albert ang iyang mga mata.

Gipaniguro ni Albert nga walay makakita kaniya nga kaila. Mideritso usa siya ug wala moderitso’g sulod sa motel kay iyang naalinggatan nga dunay sakyanan nga nagsunod, apan taud-taud gipabalik niya ang motor ug mideritso siya’g sulod sa motel.

“Bert, motel man lagi kining imong gidad-an nako,” daw nagpakaaron-ingnon kunohay si Evelyn nga wala makasabut sa giingon ni Albert kaganina nga gusto kini nga makigpanuroy sa dapit nga sila rang duha.

Giagbayan ni Albert si Evelyn paingon sa kwarto nga gitudlo sa roomboy. Naghinam-hinam si Albert sa sunod nga mahitabo. Dihang didto na sila sulod sa kwarto sa motel, gigakus dayon niya si Evelyn ug gihagkan.

“Lyn, Lyn maako na gayud karon ang imong kaanyag,” matud ni Albert dayong ukob sa mga ngabil ni Evelyn. Gipahigda dayon niya si Evelyn sa hunol-hunol nga higdaanan ug gidigo sa nagpusot-pusot nga mga hawok.

Sayud siya nga uhaw na sa romansa si Evelyn kay makausa ka higayon mitug-an kini kaniya nga wala na gayud kini makigrelasyon pa’g laing lalaki human siya madisgrasya sa iyang hinigugma.

Alang ni Albert, wala gayud mosipyat ang iyang gihimo nga paghigala kang Evelyn ug pagtabang kaniya sa iyang mga kinahanglanon.

Daw dalaga pa gihapon kaayo’g panglawas si Evelyn. Dihang nahukas na ni Albert ang salimbong sa iyang dughan, nadani siya kaayo sa tuskig pa kaayong bungdo nga mora’g bulkan.

Sabaan kaayo si Evelyn dihang gisugdan na ni Albert ang pagpabatyag kaniya’g gilok pinaagi sa mga hawok. Gisugdan ni Albert ang mga hawok gikan sa ngabil, padailos sa liog, ngadto na sa dughan. Miagulo si Evelyn dihang giukoban ni Albert ang tumoy sa bungtod nga diha sa wala nga dughan niini.

Samtang nagpadayon si Albert pagduwa-duwa sa tumoy sa daw bungtod, inanay niyang gipakamang ang iyang kamot aron nga anam-anamon niini pagtangtang ang botones sa karsones ni Evelyn.(Sumpayan)

ALBERT BERT DIHANG EVELYN GIAGBAYAN GIPAHIGDA GIPANIGURO IYANG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with