Kamatayon sa Panumpa - Gula 41
“Kun pleasing personality maoy basehan pasado kini siya,” nagkanayon si Madam Minorka ngadto kang Penelope. “Guwapa siya, mora’g si Olga Kurylenko nga leading lady ni James Bond sa pelikulang Quantum of Solace. Pero may K ba kini sa pagkanta.”
“Aduna, Madam,” ni Penelope pa. “Singing champion ni siya sa lainlaing mga istasyon sa radyo niadtong high school pa kami.”
“Mao ba?” Mao ray nasulti ni Madam Minorka.
Nakapahiyom si Xenia ngadto kang Penelope. Flattered siya sa gisulti niini. Hinuon, tinuod ang gisulti ni Penelope. Kaniadto sa high school pa siya, kanunay siyang moapil og singing contest. Kanunay siyang makadaog sa mga tigi sa pag-awit sa radyo ug sa mga pista-pista.
“Mahimo bang biyaan mo una kami?” Giingnan ni Madam Minorka si Penelope paglabay sa pipila ka daklit.
“Yes, Madam,” ni Penelope pa dayong gawas sa buhatan sa manager.
Dihang nakagawas na si Penelope, gisugdan dayon si Xenia pag-interview ni Madam Minorka. Gitubag ni Xenia ang tanang pangutana sa manager. Hangtod nga ingon sa nakombinser ang manager sa kaligdong sa iyang mga tubag. -- Sumpayan pa
- Latest
- Trending
