Walay kamatayon ang gugma

Gula 49

Mitindog si Randy ug mipaingon sa pultahan. Nahibilin si Jody nga naglingkod sa ngilit sa kama. Gihuping niya ang nakalkag niyang buhok.

Pagbalik ni Randy sa iyang nahimutangan, kuyog na niini ang lalaki nga crew sa hotel nga nagdala sa tray nga gipatungan sa mga pagkaon. Gipahimutang niini ang mga pagkaon ibabaw sa usa ka talad. Migawas dayon ang crew human mapahimutang ang pagkaon nga gihatod niini.

Nagmug-ot ang hitsura ni Jody nga nagtan-aw sa pagkaon.

“Kaon na,” ni Randy pa.

“Wa koy gana,” niya pa.

Gikab-ot ni Randy ang iyang tuong kamot ug gihimashimas. Wala tuyoa, nagkatagbo ang ilang mga tinan-awan. Nagkatinutokay sila.

“Mahal ko nimo, di ba?” Sukit ni Randy.

Wala motingog si Jody. Miduko siya kay dili siya makalahutay pagharong sa tinan-awan sa ulitawo.

“Gimahal ko nimo, Jody,” ni Randy na usab. “Dili ka makalimod niana.”

“Randy...” Wala na makapugong si Jody sa iyang kaugalingon, nakahilak siya samtang migakos kang Randy. “Mahal ko kaayo ikaw. Di ko mabuhi kun wa ka...” -- Sumpayan pa