Lovers in Pari-an
Gula 21
Nahatimbakuwas si Rosalinda gikan sa iyang gihigdaan. Ginindotan siya sa tingog sa lalaki nga nagkanta dinuyogan sa sista. Paborito usab niyang kanta ang giawit niini.
Migawas si Rosalinda sa iyang lawak-katulganan. Gipangita niya ang gigikanan sa tingog sa lalaki nga nagkanta nga iyang nadungog. Gipatalinghogan niya kini’g maayo. Iyang nasuta nga naggikan sa garahe ang maong tingog.
Si Bongkoy kaha ang nagkanta? Nakapangutana siya sa iyang kaugalingon.
Miadto siya sa garahe aron masusi. Tuod, iyang natukmaan si Bongkoy nga naglingkod diha sa gawas sa garahe. Nagsabak kini og sista samtang nagkanta. Mihunong kini sa pagkuskos sa sista ug sa pagkanta dihang nakamatikod kini kaniya nga nagbarog sa igong gilay-on.
“Maayong gabii,” timbaya ni Bongkoy.
“Maayong gabii sab,” ni Rosalinda.
Mihinay si Rosalinda pagduol sa nahimutangan sa lalaki.
“Wa ka pa diay matulog?” ni Bongkoy.
Hapit na unta ko makatulog dihang nakadungog ko sa imong pagkanta,” ni Rosalinda pa.
“Uy, nakatugaw diay ko nimo.” -- Sumpayan pa
- Latest
- Trending
