Alyssa nahibaw nga dili magdugay

Kinahanglang pahimuslan ni Alyssa Alano ang swerte nga miabot sa iyang career tungod kay dili kini magdugay. Kini maoy hiniusang tambag sa showbiz press sa kauluhan ngadto sa kanhi Viva Hotbabe.

Miingon ang mga himantayon nga base sa acting nga gipakita ni Alyssa sa "Magpakailanman" diin istorya sa iyang kinabuhi ang gihoon og drama, aduna na siyay "k-as in karapatan" itandi sa susama kaniya og packaging.

Dunay nasagap nga balita ang PangMasa nga nagkanayon nga usa sa mga rason nganong nagustuhan si Alyssa sa GMA-7 mao ang iyang kabuotan ug kahilomon. Pagkakaron upat ang regular shows ni Alyssa, "Nuts Entertainment," "Lagot Ka, Isusumbong Kita," "StarTalk" ug "SOP." Busa ugma hatagan si Alyssa og birthday celebration sa SOP.

Nasayod si Alyssa nga dili magdugay ang kasikat nga iyang natagamtam karon busa naningkamot siya og maayo aron makapalit og kaugalingon niyang balay aron mapuy-an sa iyang inahan ug iyaan nga maoy nagpadako niya.

Nanghinaot usab siya nga makita ang iyang tinood nga amahan tungod kay matud pa niya nasayod ang iyang inahan hain na ang nahauna karon.

Samtang miingon siya nga kon duna na siyay panahon, mobalik siya sa pagtuon tungod kay nakadawat man siya og scholarship gikan sa STI College nga hinatag sa programang Wish KO Lang.

Pops napangos atol sa shooting

Dili tinood ang nanggawas nga mga text message nga matud pa naaksidente si Pops Fernandez atol sa taping sa "Zsa Zsa Saturnah" tungod kay matud pa nga nahampak ang iyang likod atol sa usa sa iyang mga action scenes.

Natino sa PangMasa nga dili tinood nga nabun-og ang likod ni Pops tungod kay igo lamang nga napangos ang iyang tuhod samtang nabadbad ang iyang harness. Gawas pa walay pader didto sa dapit diin gipahigayon ang shooting.

Regine ug Jolens mabiyaan

Sa September 25 na ang show sa SOP didto sa Hawaii alang sa paglusad sa GMA Pinoy TV apan nasayran sa PangMasa nga duha ka mga hosts niini ang dili makakuyog.

Sila mao si Jolina Magdangal ug Regine Velasquez. Si Jolens dunay natanduan nga show didto sa Taipei samtang ang Asia's Songbird busy na sa promo alang sa 'Til I Met You" tungod kay October 11 ang playdate niini.

Kinahanglan na usab nga pangandaman ni Regine ang iyang concert sa Araneta Coliseum nga dunay uluhan nga "Twenty." Kumpirmado nga molupad paingon sa Hawaii sila si Ogie Alcasid, Jaya, Janno Gibbs, Karylle, Dingdong Dantes, KC Montero ug Kyla.