Ang tsika ni Nora mao nga gidungog nga nagkabuwag na sila si Lino ug Bianca, hinungdan nga milarga ngadto sa Estados Unidos ang guapo nga direktor aron adto magpahungaw sa iyang gibati.
Wala gayud mokomentaryo ang direktor kon buwag na ba gayud sila ni Bianca ang iya hinoong gitino mao nga didto siya sa Amerika apan duha ra ka semana tungod kay gikinahanglan nga mobalik gilayon siya alang sa 'Calla Lily" starring Sharleen San Pedro nga sugdan na sunod semana.
Matud niya nga hagbay ra siya nga mihangyo nga mobakasyon ug bag-o lang siya nga gitugtan hinungdan nga gipahimuslan niya ang higayon.
Samtang nasayran nga duna diay two movie contract si Lino ubos sa Star Cinema diin nagpaabot na lamang siya sa tukmang proyekto. Hinoon nasuta nga gusto ni Lino nga makagama og pelikula nga si John Llyod ang bida tungod kay nakauban na niya kini sa dihang ang aktor maoy midala sa papel ni Lino sa kasaysayan ni Senator Rene Cayetano nga gipasalida sa Maala-ala Mo Kaya kaniadto.
Miingon ang mga himantayon nga mas maayo pa nga maghilom na lamang ang duruha aron dili sila makasala kay sa mamakak tungod kay dakong sala ang ilang gibuhat.