^

Ang proyekto ni Borlaza

- Kris Relatado () - April 11, 2006 - 12:00am
Ang ulohan sa sugilanon nga himoon ni direk Maning Borlaza alang sa CCTN, mao ang "Langit ug Yuta".

Sugilanon sa usa ka relasyon nga nabugto tungod sa usa ka panghitabo nga dili malikayan, apan nadawat sa duha ka linalang nga dili gyod diay sila alang sa usa'g usa kanila, kay lahi man ang gitagana sa Kahitas-an.

Kinutlo gikan sa awit nga miani og ganti sa Cebu Popular Music Festival nga sama usab ang ulohan. Ang script gisuwat ni Sister Stella Palomo M. Samtang ang awit, hinimo ni anhing director- scriptwriter-actor, Larry Abelgas, usa sa labing paboritong actor ni direk Borlaza mga 25 na ka tuig ang nakalabay niadtong nanghimo pa siya og mga pelikulang binisaya dinhi sama sa "Batul Of Mactan' [starring Chanda Romero, Alice Mendez, Angeles Diez, Justo C. Justo, Manjo Martinez, kauban nila ni anhing Porcing Torrevillas ug anhing Eddie Peregrina], " Anino sa Villa Lagrimas" [Chanda Romero], "Sabrina" [Chanda Romero, Ernie Garcia, Larry Abelgas, Tessie Diez, Lily Espina, ug anhing Bert Mansueto"], "Alma Bonita," [Chanda Romero, Ernie Garcia, Tessie Diez, anhing Bert Mansueto, Nanding Celeste ug Lita Lauron], "Walog sa Luha-Lacrymarum Valle" [Rosalie Robles, Romeo Miranda, Aristeo Dimavivas, Larry Abelgas ug uban pa].

Gipaabot pa kon kinsay mapili nga pakantahon sa theme song, kay kinahanglang babaye ug lalaki. Pili-on sila gikan sa mga monthly finals sa "Search For Southern Stars" ang tolumanong gidumala nila ni Novo Bono ug Sister Stella Palomo M. Sa pagka karon, ang tolumanon, anaa pa sa Lapu-Lapu City ug ang sunod, adto na usab sa Mandaue City. Samtang nahuman na ang Talisay City edition diin ang tolo ka mananaog mao sila si Sarah Jean Badana, Rosel Seville, ug Dave Patilano. Wa pay kaseguroan kon kini ba sila ang pili-on unya nga makakanta sa theme song. Gusto unta si direk Maning sa version ni Dulce, apan kinahanglan man god nga dunay duet ang bag-ong version nga lalaki ug babaye, ug kapin pa, basin kono unya og dako ang mabayran sa copyright gawas pa nga, Born Again si Dulce.

Gitataw usab ni direk Borlaza nga wa pa gyo'y napili sa lead stars sa daghang nagpa audition, kay wa pa makahukom ang premyadong direktor, ug ang management sa CCTN.

ALICE MENDEZ ALMA BONITA BERT MANSUETO CHANDA ROMERO ERNIE GARCIA LARRY ABELGAS SISTER STELLA PALOMO M TESSIE DIEZ
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with