Sunshine, sakitan sad usahay

Nakigsawo si Sunshine Dizon sa mga sakop sa media dili pa dugay didto sa Lighthouse Restaurant sa Country Mall sa Banilad ubos sa pagdapit ni Mam Rose Gaisano og giangkon ni Sunshine Dizon nga kon dili pa lang gyod unta mobalik ang iyang pagtambok, daw dili siya mohunong sa pagkaon, kay gilamian gyod siya sa mga pagkaon nga giandam sa Lighthouse nga gipaandam ni Mam Rose. Gipangutana si Sunshine Dizon kon wa bay moingon kaniya nga sobra siya ka maldita sa "Engkantadia" isip Perena, og miangkon siya nga daghan na ang nagtuo nga maldita siya sa tinuod nga kinabuhi og usahay sakitan siya, pero wa siya'y mahimo. Ingnon na lang niya ang iyang kaugalingon nga, maayo tingali pod niyang pagkadala ang iyang role mao nga nagtuo na lang pod ang mga tawo nga tinuod gyod siyang maldita. - Aion E. Adlawan / Kriss Relatado