Matud pa ni Diana Zubiri, wa pa gani kono matino kon kinsay mga kauban nilang Alfred Vargas sa maong pelikula, busa dili angayang intrigahon, apan lain na usab karon ang tawag sa pipila ka mga reporters kang Diana, siya na sad kono karon ang bag-ong Denial Queen, kay gawas nga gi-deny niya nga mi gimik siya, gipanghimakak pa gyod niya ang tinud-anay nilang relasyon ni Paolo Contis.
Miingon si Diana nga nagkasuod sila si Paolo tungod sa taping sa "Mahiwagang Baul," og kon nakita pod silang nagkuyog, tingali gikan sila sa taping. Sa pagka karon gani kono, wa na sad sila'y communication, kay samtang si Paolo anaa sa "Sugo" isip kontrabida, siya anaa sa "Engkantadia" isip Danaya, og managlahi ang lugar sa ilang shooting.