Nailad sa tam-is saad

“Hindi naman tayo palaaway. Hindi naman tayo naghahanap ng gulo. Ang hinahanap natin ay desenting buhay para sa ating sarili, para sa ating pamilya, para sa ating bansa. Ipagpapatuloy ang ating nasimulan ngayon. Na ang sa ganon ay ang Pilipinas paparatingin natin ay hindi sa ating pinanggagalingan, kung hindi ay papasikatin pa natin ang mahal nating Pilipinas. Para tayo ay haharap sa buong mundo. At sasabihin natin, isisigaw natin sa kanilang lahat: Ako ay isang Pilipino. Taas noo, kahit kanino!”

Tipik lamang kini sa gipangsaad ni Bongbong Marcos (BBM) niadtong nangampanya pa siya sa iyang paglansar sa pagka-presidente sa Pilipinas sa miaging 2022 election.

Kini walay labot niadtong iyang giyawyaw nga hatagan niyag solusyon ang unfair labor practice ug unemployment problem dinhi sa ato. Buwahan ang atong kaigsuonan dili na molangyaw aron adto sa gawas manrabaho. Kondili, ang mga Overseas Filipino Workers (OFW), manguli na sa ato ug dinhi na mangalagad.

Ug dihang si BBM nahimo nang Presidente Bongbong Marcos (PBBM) sa Pilipinas, natuman ba ang mga tam-is kaayo niyang saad nga maoy nakahatag niyag usa ka makabungog nga kadaugan?

Sa latest Pulse Asia Survey nakaangkon si PBBM og 78% gikan sa 1,200 ka tawong gipangduol, kinsa gikuhaan sa ilang habig ug gisukna kon kontento ba sila sa performance niini?

Survey result nga dili kasaligan kay unsa na lang kon ang napiling lugar nga giadto sa mga mi-survey, kadaghanan kanila higala ni PBBM ug dili ang actual performance sa presidente maoy gitug-an?

Ang tinuoray nga pagpangalagad ni PBBM makita sa panagway sa kinabag-ang hut-ong sa mga kabos, kinsa hangtod karon padayon nga nagkamang sa tumang kalisod sa pamuyo, diin ubay-ubay kanila midangop na lang sa pagpamaligyag shabu nga ang nagpaluyong protector ug mga kaabin niining illegal drugs syndicates, gibutyag ni DILG Secretary Benhur Abalos, ang mga ngalan sa badlongong military generals, kinsa inay maoy manakop, mao diay ang mga dakponon.

Milyon-milyong BBM-SARA supporters, kinsa naningil na sa kabag-ohan nga gisaad ni PBBM ang nangadismaya. Sa social media, sila mipahungaw sa gisakitan nilang gibati ug nagbagulbol-basol: “Nabudol tayo. Nabudol tayo!”

Medyo, sakit paminawon. Pero, mabasol ba sila, kinsa biktima sa nagpakaaron-ingnong tam-is nga saad?