Nag-uban sa ex

CEBU, Philippines — Daghan ang naintriga sa pag-post og hulagway ni KC Concepcion kauban ang rumored French ex-boyfriend niini nga si Hugo de Charette ug usa ka higalang lalaki. Ang maong hulagway gikuha atol sa nahitabong bakasyon sa tulo didto sa Palawan. Si Hugo kay nakarelasyon ni KC sa nagtungha pa sa kolehiyo ang aktres didto sa Paris.

Target ni Ian

Gibutyag sa aktor nga si Ian Veneracion nga pangandoy niya nga makauban sa usa ka proyekto ang Megastar nga si Sharon Cuneta. “Maybe someday, I hope. She’s someone that I highly respect and someone I would definitely want to work with in a movie,”sigon pa sa 43 anyos nga aktor.

Bag-ong host

Ginganlan isip bag-ong host sa MTV ang uyab ni Paulo Avelino nga si Jodie Tarasek partikular   sa programang MTV Fuel. Ang Filipino-Australian model mag-host kauban sa Star Magic talent nga si Markus Patterson.

Best friend

Giklaro ni Maymay Entrata nga managhigala ra gyud sila sa iyang loveteam nga si Edward Barber sukwahi sa tsismis nga nagkahigugmaay na ang duha.”Mag-bestfriend kami. Nagpapakatotoo lang kami. Kung ano po yung nakikita nila, yun lang po,” pasabot pa niini.

Engaged na?

Mihatag og katin-awan ang Kapuso hunk actor nga si Dennis Trillo sa gi-post niini nga hulagway sa Instagram nga naghawid sila og kamot sa uyab niini nga si Jennylyn Mercado ug makita nga adunay gisul-ob nga singsing si Jennylyn. “Lumang singsing na niya ho yun! Nagkataon lang na iyon yung naka-foreground dun sa litrato. Pero wala pa naman pong naganap na ganun,”pasabot pa sa aktor.

Nasulbad na uy

Nakasinati matod pa og bash gikan sa Jadine fans ang direktor nga si Antoinette Jadaone human kini nagpagawas sa iyang kasagmuyo batok nilang James Reid ug Nadine Lustre. “Feeling ko anuman yung mga nasabi, feeling ko yun yung mga before pa bago nag-usap. Ang nakikita kasi ng mga tao yung bad side lang. Pag resolved na, resolved na,”sigon pa sa direktor.

Proud sa mama

Proud kaayo si Tony Labrusca ngadto sa iyang inahan nga si Angel Jones kinsa bag-o lang gideklarang grand winner sa Century Tuna Superbods Ageless 2018 sa niaging semana. “First of all, woooooh!. I don’t even know what to feel right now. I’m so proud of my mom!” butyag pa sa kapamilya hunk actor.

Bachelorette Party

Nagpahigayon og bachelorette party ang singer nga si Rachelle Ann Go kauban ang mga suod niyang mga higala niadtong Sabado. Na-engaged sa niaging tuig ang singer sa non-showbiz boyfriend niini nga si Martin Spies. Mas gipili sa duha nga dili kaayo iplastada og maayo sa publiko ilang relasyon.

Surprise  party

Gisurprisa sa iyang mga suod nga mga higala, fans ug pamilya si Filipino-Australian showbiz newcomer Lauren Reid atol sa iyang birthday. Wala matod pa siya nagdahom sa maong surprisa kay nahitabo kini sa dihang nag-make up siya. Nag-post sa Instagram ang Viva actress sa iyang pasalamat ngadto sa nipasiugda ug sa nitungha sa wala damha nga advance birthday party.

Adventurous

Gipakita sa Kapamilya actress Julia Montes ang iyang adventurous nga side human nag- post sa social media account niini nga nagtupad og dako nga motorbike.”I was thinking of really doing it as my thing whatcha think” caption pa sa aktres sa maong hulagway.

Sold out concert

Nagmalamposon ang nahitabong anniversary concert sa Popstar Royalty nga si Sarah Geronimo nga giulohang “This is 15 Me” nga gipahigayon didto sa Araneta Coliseum niadtong Sabado. Wala gyud gi- disappoint sa Kapamilya singer ang tanang nitan-aw sa iyang concert kay busog kaayo kini sa iyang hugyaw nga performances sama sa pagkanta sa iyang hit songs. Usa sa iyang guest mao ang singer nga si Mark Bautista.(Junas Dungog Flores)

Giusab ang format

Gibutyag  ni Toni Gonzaga nga  nausab na ang format sa  weekly family sitcom nga Home Sweetie Home.

“Bago na yung format ng show, it’s a modern family.Kasama namin si Piolo (Pascual), na may anak siya. Tapos si Kuya Ogie is also part of the family, si Peach na single mom na kapitbahay namin.Parang it’s a family community, ganyan,: saysay pa ni Toni ngadto sa pep.ph.

Kahinumdoman nga taod-taod na nga nipahawa  si   John Lloyd Cruz sa showbiz   hinungdan  gibutang si Piolo sa maong show.

Die Beautiful nakadaog sa UK

Ang Pinoy film nga  Die Beautiful” maoy nakaangkon sa Best Feature award sa  Newcastle International Film Festival didto sa  United Kingdom  dili pa lang dugay.

Si Paolo Ballesteros ang bida sa maong comedy film ug nidala sa papel nga transgender woman  kinsa nanugon gyud nga pang-Katy Perry gyud ang iyang outfit kung mamatay siya.

Dili na bag-o sa Die Beautiful nga makalangkat og mga pasidungog.

Kahinundoman nga  napili usab kaniadto si Paolo isip Best Actor award sa  2016 Tokyo International Film Festival  gumikan lang gihapon sa maong pelikula.

Nakadawat usab kini og  special mention sa  21st International Film Festival didto sa  Kerala, India.