Nude pics ni Joross pabuthon?

Gikatahong dunay mopakatap karon nga mga hubo nga hulagway ni Joross Gamboa, iskandaloso matud pa itandi sa pictures nga napasad pod kaniadto sa Internet nga nagpakita nga naghawkanay silang duha ni Christine Reyes.

Tinubdan sa Banat Hugyaw nagkanayon nga anaa na sa mga kamot sa usa ka reporter ang maong hubo nga hulagway ni Joross ug gitino pa kun tinood ba kini.

Apan suma pa nga wala mabalaka si Joross niini tungod kay nasayod siya kun unsa man gani kining maong hulagway nga matud pa iyaha, dili na kini tugutan sa MTRCB nga mapakita sa telebisyon human pod sa sunod-sunod nga sex scandals sa milabay nga tuig nga gipistahan sa media ug naka-alarma sa mga moralista.

Usa ka himantayon mikomentaryo pod nga masaligon si Joross nga kun mamantala man gani ang matud pa hubo niya nga hulagway dali ra kining ihimakak pinaagi sa pag-ingon nga giretoke na kini pinaagi sa photoshop.

Apan matud pa wala pa gani mokatap ang maong mga hulagway hugtanon na kining gihimakak ni Joross.

Kahinumduman nga namahayag makausa si Joross nga dili na siya makig-loveteam, sa iyang kanhi uyab nga si Roxanne Guinoo tungod kay dili na wholesome ang imahe sa dalaga human kini nagpa-sexy sa billboard sa usa ka ilimnon.