P129 milyong yosi winasak ng BOC Subic
MANILA, Philippines — Matagumpay na winasak ng Bureau of Customs (BOC) Port of Subic ang tinatayang nasa 3,000 cases ng assorted-brand cigarettes na nagkakahalaga ng higit P129-milyon na nakalagay sa tatlong 40-foot containers.
Ayon sa BOC, ang pagwasak sa mga naturang sigarilyo na nagkakahalaga ng P129.065 ay isinagawa mula Hulyo 28 hanggang Agosto 3, 2026, sa Legaxy 88 Recyclable Materials Collection Services sa Santa Maria, Bulacan, na isang accredited disposal facility ng Port.
Ayon sa BOC, ang mga naturang sigarilyo ay idineklara nang abandonado at winasak sa pamamagitan ng shredding at pyrolysis, alinsunod sa established disposal procedures.
Upang matiyak ang transparency at accountability, ang naturang disposal activities ay naka-livestream sa pamamagitan ng official YouTube account ng BOC Port of Subic upang mapahintulutan ang publiko na masaksihan ang destruction process.
Nabatid na ang tatlong containers ay bahagi ng 10 containers ng mga abandonadong sigarilyo na tinukoy para sa disposal, ay may total estimated value na nasa P413 milyon.
“To date, three containers have been successfully condemned and destroyed,” dagdag nito.
- Latest
