Pangulong Marcos sa mga Pinoy: Hindi tayo magpapaapi
MANILA, Philippines — Ang kasalukuyang banta sa Pilipinas na maaaring magdulot ng sakit sa mga Filipino ay hindi katanggap-tanggap kay Pangulong Ferdinand Marcos Jr.
Sa ika-82 anibersayo ng Araw ng Kagitingan sa Mount Samat Shrine sa Pilar, Bataan sinabi ng Pangulo na hindi dapat magpalupig ang mga Filipino sa iba.
“Ang mga ito ay hindi katanggap-tanggap. Hindi makatuwiran o makatarungan, lalo na sa panahong ito ng payapang pakikipag-ugnayan ng mga bansa,” sinabi pa ng punong ehekutibo.
Tulad na lang anya ng pinamalas ng ating mga dakilang ninuno ay hindi rin tayo dapat magpasupil at magpagapi, lalo na sa loob ng ating sariling bakuran.
Pahayag pa ng Pangulo, nawa ay mapagkunan pa itong pang ibayong kamalayan, tapang, at lakas ng loob at higit sa halat ay patuloy nitong pagtibayin ang ating pagkakaisa at ang pagiging makabansa.
Kasabay nito, sinaluduhan din ni Pangulong Marcos ang mga sundalo na patuloy na dumidipensa sa teritoryo ng Pilipinas.
Siniguro pa niya na ang kasalukuyang Armed Forces ay patuloy sa kanilang matapat na serbisyo ng pagbabantay sa seguridad at soberenya ng bansa.
- Latest