Pagpasok ng mga Chinese sa PCG tatalupan sa Kamara

MANILA, Philippines —  Sinabi ni House Deputy Majority Leader at Tingog Partylist Rep. Jude ­Acidre na ang presensya ng mga Chinese citizens sa PCGA ay isang malaking banta sa pambansang seguridad.

“I’m sure there will be people who should be made accountable. It’s not what we can consider an honest mistake, I’m sure the concealment is something that’s malicious and that is a serious threat to national security,” tugon ni Acidre.

“Bakit sila nakapasok. Sino ‘yung mga nagpahintulot? Who turned a blind eye? I’m sure, hindi naman pwedeng nangyari lang ‘yon ng sila lang,” punto ni Acidre.

Sa kabila nito, sinabi ni Acidre na ang pahayag ng PCG na tinanggal na ang mga Chinese recruits sa kanilang ­auxiliary force ay isang ‘welcome deve­lopment ‘ aniya at hindi na dapat maulit pa.

“Otherwise, it would have been really alarming that in our country’s security forces, even if they say they’re just PCG Auxiliaries ‘no, ay napapasukan tayo. Akala ko nga, sa pelikula lang nangyayari ‘yung mga ganong bagay diba?” anang solon.

“To think, when you are a PCG ­Auxiliary, you actually wear a uniform and for the uniform of the PCG use, the agency na involved sa pagprotekta ng West Philippine Sea parang double whammy naman tayo doon diba?” punto pa ng kinatawan ng Tingog Partylist.

Samantala, nanawagan din si Acidre sa PCG at iba pang mga ahensiya na suriing mabuti ang kanilang mga recruits at volunteers na dapat ay lehitimong mga Pinoy.

Sa pagdinig kamakalawa ng Kamara ay inamin ni PCG Commandant Admiral Ronnie Gil Gavan ang recruitment ng mga Chinese nationals sa kanilang auxiliary force pero ang 36 na recruits ay tinanggal na umano sa listahan dahilan wala ang mga itong naibigay na security ­clearance mula sa kinauukulang ahensiya ng ­gobyerno.