OFWs hihimuking mag-invest sa stocks
MANILA, Philippines — Nakikipagtulungan ang Department of Migrant Workers (DMW) sa Philippines Stock Exchange (PSE) at Securities and Exchange Commission (SEC) para magbigay ng financial literacy lessons at investment seminars upang matiyak na ang mga OFW ay maaaring mamuhunan ng kanilang pera sa mga lehitimo at kumikitang mga gawain.
Sinabi ni DMW Officer-in-Charge Hans Cacdac, na umaasa ang PSE na magkaroon ng mas maraming OFW na mamumuhunan sa local stocks sa pamamagitan ng pagtuturo sa kanila, dahil sa kasalukuyan ay nasa 5.6% lang ng OFWs ang mga stock investor ng Pilipinas.
Sa seminar, matuturuan ang OFWs na makaiwas sa investment scam, debt traps at credict card by mail schemes at mabibigyan ng kaalaman at direksyon kung saan at ano ang matinong investment.
Samantala, lumagda ang DMW ng kasunduan sa National Commission on Muslim Filipinos na mabigyan ng seminar ang mga OFW na ipadadala sa Arab country.
“Tutulungan natin in terms of ‘yung pagkakaroon ng sapat na orientation program, sapat na proteksyon at monitoring on the ground,” ani Cacdac.
“At ‘yung mga dadatnan nilang kultura, batas, karapatan at responsibilidad para magkaroon sila ng mas maayos na relasyon sa kanilang employer,” dagdag pa niya.
- Latest