38 porsyentong Pinoy tiwalang gaganda ekonomiya ng bansa - OCTA
MANILA, Philippines — Naniniwala ang 38% ng mga adult Filipinos na gaganda ang ekonomiya ng bansa sa susunod na anim na buwan.
Base sa non-commissioned survey ng OCTA Research na ginawa noong Disyembre 2023, ang 38% ay mas mataas sa 27% na nagsabing gaganda ang ekonomiya noong October 2023.
Bumaba naman sa 8% noong December 2023 ang nagsabing hindi gaganda ang ekonomiya mula sa 14% noong October 2023.
Sa naturang survey, may 51% ang nagsabi na mananatiling pareho ang lagay ng ekonomiya at tatlong porsyento ang nagsabi na hindi alam.
Sa socioeconomic classes, 51% sa Class ABC ang nagsabi na gaganda ang ekonomiya.
Nasa 12% sa Class E ang nagsabi na hindi ito gaganda.
Nasa 49% naman ang nagsabi na gaganda ang kanilang buhay sa susunod na anim na buwan habang 45% ang nagsabi na mananatili sa kasalukuyan ang lagay ng kanilang buhay.
Nasa apat na porsyento ang nagsabi na lalong lalala ang lagay ng kanilang buhay.
- Latest
