Target ni Marcos sa 6 taong termino: ‘Wala nang magugutom na Pinoy’
MANILA, Philippines — Inihayag ni Pangulong Ferdinand Marcos Jr. na ang pinakalayunin ng economic agenda ng kanyang administrasyon sa susunod na anim na taon ay tiyaking wala ng Pilipino na magugutom.
Sa panayam ni dating Australian Prime Minister Kevin Rudd, sinabi ng Pangulo, na bagaman at mukhang simpleng layunin ang pag-alis ng gutom, nangangailangan ito ng malaking pagsisikap sa bahagi ng gobyerno.
“Well, to put it very simply, I’ve been asked what is the absolute end result that we are hoping to achieve and it’s very simple for me: not one more hungry Filipino,” ani Marcos na pansamantalang namumuno sa Department of Agriculture.
Ipinunto ni Marcos ang kahalagahan ng kanilang partnership sa pribadong sektor upang maabot ang mga layunin ng administrasyon.
Sinabi rin ni Marcos na ang pagpapabuti ng productivity sa agrikultura at pag-streamline ng burukrasya ay titiyak ng isang mas mahusay na serbisyo ng gobyerno.
Ayon pa kay Marcos, halos nabago ang lahat dahil sa pandemya.
Hindi aniya sapat na habulin lamang ang mga nawala noong pandemya at sa halip ay lampasan pa ang pre-pandemic levels ng ekonomiya.
“We don’t want to just catch up. We want to go beyond that. We have no interest in going back to pre-pandemic levels,” sabi Marcos.
Sa United Nations General Assembly noong Setyembre 20 humingi ng suporta si Marcos sa mga pinuno ng iba’t ibang bansa sa mundo na mamuhunan sa bansa sa produksyon ng agrikultura at food security na isa sa mga ipinangako niya nang maupong pangulo.
- Latest
