‘We gave it our all’: Robredo mixed emotions sa pamamaalam sa OVP
MANILA, Philippines — "Mixed emotions" — ganito inilarawan ni outgoing Vice President Maria Leonor "Leni" Robredo ang kanyang naramdaman sa huling umaga niya sa Office of the Vice President (OVP), Quezon City Reception House.
Sa Facebook post ng opisyal nitong Miyerkules, makikita ang 20 minute video kung saan kanyang ibinahagi ang mga huling sandali niya sa OVP. Extraordinary raw ang last morning siya sa OVP.
"Today, ordinary.. pero extraordinary day kasi first time na nag-request ako ng picture taking with the [s]ecurity group assigned to me," sambit niya.
"Ngayon na last day namin, merong request ang aming VPST na kung pwede ‘yung di namin ginawa na [p]rotocol para sa VP ay gawin namin [for the] first and last time.”
"Pagbibigyan ko sila, sabi ko ‘[n]gayon ako naman ang susunod,’ pero nahihiya ako. [A]ng request pala nila ay wang-wang…[y]un ang challenge.”
Makikita rin na ikinabit ang portrait niya sa loob ng OVP at ang pagwang-wang ng kanyang security team sa paligid ng reception house.
Mababatid din sa video ang pag re-create.niya ng picture kasama ang mga anak niyang sina Aika, Tricia, at Jillian na kuha mula sa unang araw niya sa OVP.
Nagpahayag ng pasasalamat si VP Leni sa mga nakasama niya sa kanyang opisina na silang "matitino at mahuhusay na lingkod bayan."
"[N]angibabaw sa lahat ang pasasalamat sa pagkakataon na makapaglingkod. Pasasalamat din na biniyayaan ako ng mga kasama sa trabaho [na] dahilan kung bakit malungkot din ang araw na ito. Mahirap isipin na maghihiwahiwalay na kami pagkatapos ng anim na taon na magkakasama kaming naglingkod sa gitna ng napakahirap na political landscape," saad ng opisyal.
"Kaya siguro naging matibay ang aming samahan dahil sa gitna ng kahirapan, we were able to render the kind of governance we feel every Filipino deserves," pagpapatuloy niya.
“We gave it our all. Walang sinayang na oras at pagkakataon.”
Highest COA Rating
Sa kanyang huling araw sa OVP at bilang Ikalawang Pangulo ng bansa, iniwan ni VP Leni ang kanyang opisina na may highest audit rating mula sa Commission on Audit na siyang ikaapat na beses nang natamo ng kanyang team.
“We were granted an unqualified opinion by the Commission on Audit for the 4th straight year (2018-2021),” tweet ng opisyal kahapon.
“What a fitting exclamation point to our 6 years at the OVP.” — Philstar.com intern Vivienne Audrey Angeles
- Latest
- Trending