OFW Hospital binuksan na
MANILA, Philippines — Magbibigay na ng serbisyo ngayong Lunes ang Overseas Filipino Workers (OFW) Hospital, isang araw makalipas ang Labor Day.
Ayon sa Department of Labor and Employment (DOLE), magbibigay na ng serbisyong medikal at pangkalusugan sa mga OFWs at kanilang mga dependents ang pagamutan na itinayo sa San Fernando City, Pampanga ngayong Mayo 2.
Mayroon na ring Malasakit Center ang naturang pagamutan na magbibigay ng tulong sa mga mahihirap na pamilya na makapagpagamot ng libre.
Mayroon na rin itong Overseas Workers Welfare Administration Desk sa loob na aasikaso rin sa pangangailangang medikal ng mga OFWs para makatipid sila sa kanilang pagpapagamot.
Nabatid na naitayo ang naturang pagamutan sa pamamagitan ng Executive Order 154 ni Pangulong Rodrigo Duterte. Ang naturang kautusan ay nagtatag din sa Inter-Agency Committee on the OFW Hospital.
- Latest
