SWS: Satisfaction rating ni Robredo, dumausdos, Sotto umangat
MANILA, Philippines — Bumaba ang net satisfaction rating ni Vice President Leni Robredo, ayon sa huling survey ng Social Weather Station.
Lumabas sa 4th quarter 2021 SWS survey na bumaba ng 23 puntos ang rating ni Robredo sa isinagawang survey mula Disyembre 12-16, 2021.
Mula sa “good” rating na +24 noong September 2021, naging “neutral” na +1 (41 percent satisfied minus 40 percent dissatisfied kasama ang kanyang performance) ang rating nito.
“Robredo’s net satisfaction rating fell from neutral (+1) to poor (-16) in Metro Manila, from good (+47) to moderate (+27) in the Visayas, and from moderate (+20) to poor (-27) in Mindanao,” anang statement ng SWS.
Samantala, ang performance rating ni Senate President Vicente Sotto III ay tumaas mula sa “very good” +46 noong Setyembre 2021 sa “excellent” +52 noong Disyembre 2021.
Nakapagtala naman si House Speaker Lord Allan Velasco ng “neutral” +5 mula sa “neutral” +8 noong Setyembre 2021.
Si Chief Justice Alexander Gesmundo, ay tumaas ang rating mula sa “neutral” +2 sa “neutral” +7.
Nauna rito, inilabas ng SWS ang isang hiwalay na report sa net satisfaction ratings ni Pangulong Rodrigo Duterte, na umangat mula“very good” +52 sa “very good” +60.
- Latest