Cong. Sato sasabak sa pagka-Gov. ng Occidental Mindoro

MANILA, Philippines — Naghain ng kandidatura sa pagka-Gobernador si Congresswoman Josephine “Nene” Sato sa lalawigan ng Occidental Mindoro.

Si Sato ay tatakbo sa ilalim ng Occidental Mindoro Dream Team, o samahan ng mga opisyal ng lalawigan. Ang kanyang runningmate ay si three-term Mayor Eric Constantino.

Samantala, papalit sa kanya sa pwesto sa House si Board Member Philip Ramirez.

Tinawag na Dream Team ni Sato ang kanilang grupo dahil ang mga masisipag at maaa­sahang lingkod bayan ng lalawigan ang kasali sa line-up.

Noong 2019, nanalo si Sato para sa ikatlong termino niya sa Kongreso kung saan nakakuha siya ng 133,438 boto  o 67% ng kabuuang boto sa buong lalawigan.

Sa loob ng 33 taon, si Sato ay lingkod bayan na kung saan subok na ang kanyang pagiging matapat at determinasyon.

Kilala siya bilang “Ina ng Oksi” dahil sa kanyang pagtulong sa mga electric consumers, truck at PUV drivers-operators, indigenous peoples, local entrepreneurs, forest rangers, biktima ng kalamidad; magsasaka, mangingisda; titser at OFWs.