DFA nagbabala sa foreign travelers vs visa entry exemption scams
MANILA, Philippines — Nagbabala ang Department of Foreign Affairs (DFA) sa mga banyaga na nais pumasok ng Pilipinas na mag-ingat sa mga grupong nag-aalok ng exemption mula sa kasalukuyang suspensiyon nang pagbibigay ng visa.
Ginawa ng DFA ang babala sa gitna ng ulat na may mga foreign nationals na nagiging target ng scam.
Ayon sa DFA, hindi ito nangongolekta ng anumang fees para sa entry exemption document (EED) applicants, maliban sa visa fee na binabayaran sa Philippine embassy o consulate sa ibang bansa.
Wala anyang koneksiyon ang departamento sa mga nasabing indibiduwal at dapat silang i-report sa [email protected].
Inihayag din ng DFA na lahat ng request para sa entry exemptions ay biniberipika at iniendorso ng national government agencies at tinitingnan ang urgency at pangangailangan na magbiyahe sa Pilipinas.
Hindi rin naglalabas ng sponsorship o invitation letters ang DFA.
- Latest