Colleges, universities buksan na rin sa GCQ areas

MANILA, Philippines — Sa halip umanong payagan ang mga bata na magtungo na sa mga malls para makatulong sa pagbangon ng ekonomiya, higit na dapat unahin muna ng pamahalaan na magbukas na rin na ang mga kolehiyo at unibersidad sa mga probinsiya na nasa General Community Qua­rantine (GCQ) at mababa ang kaso ng COVID-19.

“Daily life in many of the provincial cities and towns revolve around campuses. If the goal is to reopen the economy, let the college students go back to school first. Keep the younger kids at home. Kung ’yung mga sinehan at tourist spots nga binuksan na eh,” punto ni Ang Edukasyon Partylist Rep. Salvador Belaro, isang abogado at UP alumnus.

Sinabi ni Belaro na ang mga estudyante sa kolehiyo at unibersidad ay mga adults o nasa tamang edad na rin at pinahihintulutang lumabas sa kanilang mga tahanan.

“The minors are still in junior high school while some in senior high school, and they should not be roaming around yet”, ani Belaro.

Ang mahalaga ay sumunod sa health protocols ang mga kolehiyo at unibersidad upang hindi magkahawaan sa COVID-19 tulad  ng pagsusuot ng face masks, face shields gayundin magbaon ng sanitizer, alcohol at social distancing upang maiwasan na magkahawaan sa virus.

Kung bubuksan anya ang mga kolehiyo at unibersidad ay magiging aktibo na ang ekonomiya tulad ng mga tindahan at mga shops sa palibot nito.

Sinabi ni Belaro na mabubuhay rin ang negosyo ng mga eateries, barber shops, photocopying stalls, sari-sari stores, internet shop at maging ang mga ambulant vendors ay magiging aktibo rin sa kanilang mga aktibidad.