Unang batch ng bakuna ide-deliver na – Bong Go
MANILA, Philippines — Inihayag ni Senator Christopher “Bong” Go na tinatayang 117,000 doses ng Pfizer vaccines ang inaasahang ide-deliver na sa bansa ngayong buwan, kasabay ng nasa 5.5 hanggang 9 million doses ng bakuna naman mula sa AstraZeneca na darating sa first at second quarters.
Ayon kay Go, ang mga frontliners na itinataya ang kanilang buhay sa paglaban sa COVID-19, ang makatatanggap ng first batch ng vaccines na binili ng gobyerno para sa unang quarter ng 2021.
Ipinunto ng senador na ang malaking demand para sa bakuna sa gitna ng limitadong supply ay napalaking hamon, hindi lang sa bansa, kundi sa buong mundo.
Ngunit tiniyak ni Go na mahigpit na naka-monitor si Pangulong Rodrigo Duterte sa developments kaugnay ng ginagawang pagsisikap ng bansa na makabili ng bakuna para sa target na 50 to 70 million Filipino na mabakunahan.
Umaasa si Sen. Go na pagdating sa bansa ng bakuna, magiging malaking tulong ito para makabangon na ang ekonomiya at maibalik na ang lahat sa normal.
- Latest
