NCR, 9 pang lugar, tuloy sa GCQ hanggang katapusan ng Enero 2021
MANILA, Philippines — Hindi pa rin matatapos hanggang sa unang buwan ng 2021 ang community quarantine kontra-coronavirus disease (COVID-19) sa Pilipinas, bagay na unang ibinaba ng gobyerno noong Marso ngayong taon.
Ito ang kinumpirma ni Pangulong Rodrigo Duterte matapos ang kanyang talumpati kasama ang Inter-Agency Task Force for the Management of Emerging Infectious Diseases (IATF-EID) ngayong Lunes ng gabi.
"The general community quarantine (GCQ), hanggang ngayon, is [National Capital Region], Isabela, Santiago City, Batangas, Iloilo (City), Tacloban City, Lanao del Sur, Iligan City, Davao City [and] Davao del Norte," saad ng presidente.
"[The most lenient] modified general community quarantine (MGCQ) [is declared] for the rest of the country."
Basahin: What is modified, enhanced, general quarantine? Here's how to tell the difference
Ipatutupad ang nasabing mga restriction sa paglabas-labas, ekonomiya at aktibidad sa buong Pilipinas simula ika-1 hanggang ika-31 ng Enero para sa taong 2021.
Sa kabila nito, maaari pa naman daw magbago ang mga naturang paghihigpit sa bansa depende sa apela ng mga lokal na pamahalaan bilang tugon sa COVID-19 situation.
Matatandaang unang ibinaba ang pinakamahigpit na enhanced community quarantine (ECQ) para sa Metro Manila noong Marso 2020, bagay na naglagay sa punong rehiyon sa lockdown na gumapang hanggang sa iba pang bahagi ng bansa.
May kaugnayan: Metro Manila isinailalim sa 'community quarantine' ni Duterte
Agosto naman nang tuluyang luwagan sa GCQ ang Kamaynilaan, bagay na kumakatawan sa halos 1/3 ng gross domestic product ng Pilipinas.
Kanina lang nang sabihin ng Department of Health (DOH) na umabot na sa 470,650 ang tinatamaa ng COVID-19 sa Pilipinas. Sa bilang na 'yan, pumalo na sa 89,124 ang binabawian ng buhay.
Nangyayari ito ilang araw matapos magbaba ng travel ban ang Pilipinas sa bansang United Kingdom (UK) magmula pa noong ika-24 ng Enero dahil na rin sa panibagong stran ng COVID-19, na sinasabing mas nakahahawa kaysa sa karaniwan.
- Latest