Pagkabaog sa COVID-19 pinag-aaralan na ng DOH

MANILA, Philippines — Pinag-aaralan na ng Department of Health (DOH) ang ulat na diumano’y posibleng magdulot ng pagkabaog sa mga lalaki ang COVID-19.

Ayon kay Health Undersecretary Maria Rosario Vergeire, nakita na rin nila ang nasabing artikulo at ipinaubaya na nila sa mga eksperto ang pag-aaral dito.

Posibleng magpalabas ng paliwanag ang DOH tungkol sa nasabing artikulo sa isang linggo.

Pero hindi anya kaagad dapat paniwalaan ang mga kahalintulad na artikulo.

Dapat ay sapat ang ebidensiya bago sila magbigay ng rekomendasyon sa mga mamamayan.

“We should have adequate and further evidence para dito bago po tayo makapagsabi at makapagrekomenda sa ating mga kababayan,”ani Vergeire.