Sotto dismayado na ‘di kasama si Duque sa pinakakasuhan
MANILA, Philippines — Ikinagulat ni Senate President Vicente Sotto III na hindi kasama si Health Secretary Francisco Duque III at iba pang opisyal ng PhilHealth na inirekomendang kasuhan ng task force ng Department of Justice (DOJ) dahil sa umano’y iregularidad sa ahensiya.
Bukod kay Duque, hindi rin kasama sa pinakakasuhan si resigned PHilhealth Senior Vice President for Legal Sector Rodolfo del Rosario Jr.
Tanong ni Sotto, bakit wala si Duque at Del Rosario gayung malinaw umano ang nakasaad sa Article 217 ng Revised Penal Code, kaya umaasa siya na iba ang magiging perspektibo ng Ombudsman kapag inihain na nila ang mga kaso.
Sa kabila nito, pag-uusapan pa umano nila ni Sen. Panfilo Lacson ang pag-abswelto kay Duque at del Rosario dahil ito ang dumiskarte sa mga rekomendasyon na nakasaad sa report ng Committee of the whole.
- Latest
