Aktibidad sa PNPA ipinatigil sa pagkasawi ng 2 cadets
MANILA, Philippines — Ipinag-utos ni PNP Chief Gen. Archie Gamboa ang pagsuspinde sa lahat ng aktibidad sa Philippine National Police Academy (PNPA) dahil sa pagkamatay ng isang babaeng kadete.
Ayon sa report, nawalan ng malay si Cadet Fourth Class Jiary Jasen Papa dahil sa electrolyte imbalance o hypokalemia (low potassium intake).
Agad isinugod ang kadete sa Health Service ng PNPA para mabigyan ng first aid bago ito inilipat sa Qualimed Hospital sa Sta. Rosa, Laguna kung saan idineklara itong patay 4:34 ng madaling araw
“PNPA Director, Police Major General Jose Chiquito Malayo said that since two deaths of new cadets were recorded in the past three (3) days, all activities for the members of the PNPA Class of 2024 will be suspended until further evaluation and assessment,” ayon sa PNP.
Kamakailan, isang plebo rin na si Cadet Fourth Class Kenneth Ross Alvarado ang nasawi dahil naman sa heat stroke.
Bilang bahagi ng health protocols ay isinailalim rin ng Academy Health Service sa COVID swab test ang nasabing mga kadete.
- Latest
