Pag-ere ng ABS-CBN shows sa TV Plus ipinatigil ng NTC
MANILA, Philippines — Inatasan ng National Telecommunication Commission (NTC) ang pamunuan ng ABS-CBN na itigil ang operasyon ng TV Plus sa Metro Manila at SKY Direct nationwide.
Ang ABS-CBN ang nag-o-operate sa digital TV transmission sa Metro Manila gamit ang Channel 43 (644-650 mhz) na apektado ang mga programa sa TVPlus channels Cine MO!, Yey!, TeleRadyo, at ang kanilang pay-per-view channel KBO.
Ayon sa NTC, ang mga nabanggit ay kasama sa listahan ng radio at TV stations ng ABS-CBN na may cease and desist order mula May 5. Ang broadcast franchise ng ABS-CBN ay napaso noong May 4.
Pinaalala ng NTC na ang Sky Cable ay dapat ding itigil ang operasyon ng kanilang Direct Broadcast Satellite Service o DBS service gamit ang radio frequencies 14421-14457 MHz at 12673-12709MHz.
Ayon sa NTC nabigyan ng provisional authority ang Sky Cable Corp. para mag-operate at imantine ang DBS service mula 2015 hanggang 2021 pero ang Sky Cable Corp’s franchise ay paso na noong Mayo 4.
Pinare-refund din ng NTC sa Sky Cable Corp. sa kanilang mga subscribers ang halaga ng unconsumed prepaid loads, deposits sa equipment at devices, deposit o advance payment para sa postpaid subscribers at charges na nakolekta mula sa mga bagong aplikante.
Una nang umapela sa Kongreso si ABS-CBN President at CEO Carlo Katigbak sa Kongreso na payagan ang iba nilang kumpanya na makapag-operate habang dinidinig ang kanilang aplikasyon ng franchise renewal para sa isang patas na hakbang.
- Latest