361 COVID-19 patients lalahok sa solidarity trial ng WHO
MANILA, Philippines — May 361 pasyente na may COVID-19 ang lalahok sa gagawing solidarity trial ng World Health Organizations na naglalayong makatuklas ng gamot panlaban sa virus.
Ang 361 pasyente ay mula sa iba’t ibang ospital sa bansa.
Ang pagsali ng Pilipinas sa solidarity trial ay nakapaloob sa ulat ni Pangulong Rodrigo Duterte sa Kongreso bagaman at tapos na ang Bayanihan to Heal as One Act kung saan kailangang magsumite ng report ng Pangulo.
Naglaan ang gobyerno ng nasa P29.99 milyon para sa proyekto na tatagal ng isang taon.
Inaasahang lalahok ang nasa 500 pasyente na dinapuan ng COVID-19 sa Pilipinas.
Ang mga paggamit ng mga posibleng gamot laban sa virus ay ipinatutupad ng UP-National Institute of Health.
Kabilang dito ang remdesivir, hydroxychloroquine na gamot sa malaria, HIV drugs lopinavir/ritonavir, at lopanivir/ritonavir.
- Latest
