Gulayan sa paaralan isinusulong

MANILA, Philippines — Upang mahubog sa kahalagahan ng pagtatanim ang mga estudyante, isinusulong ni Lone District Las Piñas Rep. Camille Villar ang “Gulayan sa Paaralan’ sa gitna na rin ng pandemya sa bansa dulot ng COVID-19.

“It is important to introduce the concept of cultivating their own campus farms inside schools to students at a very young age as more people are shifting to a new normal in this time of pandemic,” pahayag ni Villar sa kanyang House Bill (HB) 6472 (Gulayan sa Paaralan).

Sa sandaling mapagtibay, ang mga lokal na pamahalaan ay may mandato na bigyan ng insentibo sa ‘urban agriculture” ang mga lugar na kanilang nasasakupan.

Ayon kay Villar, importante ang school gardening upang makabawas sa matinding epekto ng COVID lalo na at mag-aani ng mga masustansyang gulay sa mga urban areas.

“Kapag umuwi sila ng bahay, ‘yung mga pinagtabasang gulay tulad ng kangkong, alugbati at iba pa ay maaari nilang itanim.? Binigyang diin ni Villar na base sa pagsasaliksik ay may positibong epekto ang gardening o paghahalaman sa mga estudyante kumpara sa mga campus na walang halamanan.