3 opisyal ng barangay, 1 pa, tiklo sa pagtoma
SANTIAGO CITY, Isabela, Philippines — Apat na katao na kinabibilangan ng tatlong opisyal ng barangay at isang magsasaka ang dinakma ng mga awtoridad matapos maaktuhan na nag-iinuman sa Barangay Fugu Abajo, Tumauni sa lalawigang ito kamakalawa ng gabi.
Kinilala ng Tumauini Police ang mga nadakip na suspek na sina Edilberto Talaue, 54, barangay kagawad; Jose Malazzab, 57, barangay tanod, Francisco Callueng Jr., 57, Barangay Treasurer at Wilson Bacani, 33, isang magsasaka na pawang residente sa nasabing barangay.
Agad na dinakip at dinala sa himpilan ng pulisya ang mga suspek matapos maabutan ng mga nagpapatrolyang mga pulis na nag-iinuman ng alak sa kanilang barangay.
- Latest