Wrist band ni Duterte ‘di medical plaster – Palasyo

MANILA, Philippines — Itinanggi kahapon ng Malacañang na medical­ plaster ang nakita sa pulso­ ni Pangulong Rodrigo Du­terte sa inaguras­yon­­ ng Sangley Airport no­ong Sabado.

Ayon kay Presidential spokesperson Salvador Panelo, ang puting plaster ng Pangulo ay simbolo na nais nitong magkaroon ng kapayapaan sa Pilipinas.

“That’s more symbo­lical of his wanting peace in the Philippines... it’s not a me­di­cal plaster,” sabi ni Panelo.

Ikinumpara pa ni Pa­nelo ang puting wrist band ni Duterte sa isinusuot na wrist band ni dating Pa­ngulong Joseph Estrada at isinusuot niyang pulang wrist band.

“Hindi ba si Erap mayroong white. Ako rin mayroon tignan mo, pula naman iyong akin,” sabi ni Panelo.

Dagdag ni Panelo na walang dapat ipag-alala dahil sinasabi naman ni Duterte kapag hindi ma­ganda ang kanyang pakiramdam.

Nang muling tanungin kung sports attire ang nakalagay sa wrist ng Pangulo o simbolo ng kapaya­paan, nilinaw ni Panelo na sa na­kikita niya ito ay para sa kapa­yapaan.