Philippine combat troops tuloy pa rin sa Middle East
MANILA, Philippines — Wala nang atrasan at tuloy ang planong pagpapadala ng pamahalaan ng combat troops sa Middle East kaugnay ng tensyon sa pagitan ng Estados Unidos at Iran.
Ito’y sa kabila ng pagpapatigil sa mandatory repatriation o paglilikas sa mga Overseas Filipino Workers (OFW) sa Iran at Lebanon sa gitna na rin ng tensyon doon.
“Kahit hindi na isasagawa ang mandatoryong repatriation ng mga Pilipino sa Iran at Lebanon, tuloy pa rin ang plano ng pamahalaang Pilipino na magpadala sa Middle East ng mga asset at tauhan ng Armed Forces of the Philippines,” sabi ni Defense Secretary Delfin Lorenzana.
“Nananatili ang mandatory repatriation sa Iraq habang ang mga Pilipino sa Iran, Libya at Lebanon na gustong umuwi sa Pilipinas dahil sa tension ay aayudahan ng pamahalaan,” sabi ng kalihim.
Ang mga sundalong idedeploy sa lugar ng kaguluhan doon ay tutulong sa mga Pinoy na nais ng lumikas at maging sa humanitarian operatiions.
Sa kasalukuyan, ayon pa kay Lorenzana, patuloy ang mahigpit na koordinasyon ng mga ahensya ng pamahalaan para tulungan ang mga apektadong OFW sa Middle East.
Ang dalawang batalyon o 1,000 combat troops ay magmumula sa Philippine Army at Philippine Marines.
- Latest