2 LPA binabantayan
MANILA, Philippines — Patuloy na binabantayan ng PAGASA ang isang low pressure area na nasa Surigao del Sur.
Ayon sa PAGASA, posibleng maging ganap na bagyo ang naturang sama ng panahon na maaaring magdulot ng mga pag-ulan sa southern at central part ng ating bansa. Huli itong namataan sa layong 860 kilometro timog silangan ng Hinatuan, Surigao del Sur.
Samantala, isa pang LPA ang inaasahan na pumasok sa bansa sa Christmas eve na maaari ring maging isang ganap na bagyo. Ito ay nasa layong 2,670 km silangan ng Davao City.
Inaasahan naman ang pag-ulan sa Caraga, Davao Region, Northern Mindanao, Eastern Visayas, at Central Visayas dahil sa LPA.
Maulap naman na may pag-ulan sa Cagayan, Isabela, Aurora, Quezon at Metro Manila gayundin sa nalalabing bahagi ng bansa dahil sa easterlies.
- Latest
