Vaping, walang health benefits - DOH
MANILA, Philippines — Sinuportahan ng Department of Health ang direktiba ni Presidente Rodrigo Duterte na ipagbawal ang paggamit ng vape sa mga pampublikong lugar, at sinabing wala itong mabuting maidudulot sa kalusugan.
Binanggit ni Health Undersecretary Eric Domingo na kinilala ng World Health Organization at ng US Centers for Disease Control ang EVALI or E-cigarette and Vape-Associated Lung Injury bilang isang sakit.
Ani Domingo, masaya silang iisa ang kanilang posisyon ni Pangulong Duterte laban sa vape.
Kinumpara ng Health official ang sakit na resulta ng paninigarilyo sa EVALI.
“Pareho kasi silang delikado tapos magkaiba. Yung smoking kasi, the effect is longer. Parang mas chronic. Kaya yung kinakatakot natin sa smoking would be patients na nagkakaroon later ng COPD, cancer, heart disease at saka iba pang lung diseases. Yung EVALI is an acute illness. It’s something that happens very quickly,” paliwanag ni Domingo.
Sinabi rin ni Domingo na hindi ineendorso at nirerekomenda ng DOH ang pagve-vape bilang alternatibo sa pagyo-yosi.
“Hindi naman ito approved na therapeutic aid for smoking cessation,” ani Domingo. “Very few have been successful in quitting smoking by using vape kasi hindi naman sila nagki-quit. Nagshi-shift lang sila to another product”.
- Latest