BDO kumita ng P32.1 bilyon mula Enero-Setyembre
MANILA, Philippines — Ang BDO Unibank, Inc. (BDO) ay nagtala ng P32.1 bilyong net income sa unang siyam na buwan ng taon kumpara sa P21.5 bilyon noong nakaraang taon bunsod ng paglawak ng recurring core revenues ng bangko. Ang net income sa 9M19 ay katumbas ng Return on Common Equity (ROCE) na 12.5%, kumpara sa 9.5% noong 9M18.
Tumaas ang customer loans ng 6% taon-sa-taon sa P2.1 trilyon na pinangunahan ng matatag na paglago sa middle-market at consumer segments. Samantala, lumaki ang total deposits ng 3% patungong P2.4 trilyon, kung saan tumaas ang low-cost Current Account/Savings Account (CASA) deposits ng 6% para sa kabuuang 72% ng total deposits.
Tumaas din ang Net Interest Income (NII) sa P88.5 bilyon, at ang net interest margins (NIMs) ay patuloy na bumuti sa 3Q19.
Ang kita sa trading at foreign exchange sa 3Q19 ay nagkakahalaga ng P690 milyon mula sa P1.0 bilyon noong nakaraang taon. Gayunpaman, ang trading at forex gains na P4.3 bilyon sa loob ng siyam na buwan ay normal lamang kumpara noong 2018.
Sa pamamamagitan ng focused growth strategy, matatag na business franchise, solidong balance sheet, at malawak na geographic reach, ang BDO ay nananatiling nasa posisyon para samantalahin ang matibay na economic pace ng bansa at mga oportunidad sa mga hindi gaanong napagsisilbihan at umuusbong na merkado.
- Latest
