#WalangPasok: Klase sa Adamson, TUP suspendido kasunod ng sunog
MANILA, Philippines (Update 2, 5:28 p.m.) — Sinuspindi ng pamunuan ng Adamson University ang mga klase sa lahat ng antas kasunod ng nangyaring sunog sa Maynila ngayong Huwebes.
'Yan ay matapos tupukin ng 5th alarm na apoy ang ilang kabahayan sa Sylvia St. corner San Marcelino, Ermita, Maynila
FIRE ALERT: As of 1:26 PM at Sylvia St. San Marcelino Ermita Manila involving Old Building now on 5th alarm. BFP on site. #mmda
— Official MMDA (@MMDA) September 26, 2019
Tumutugon na ang Bureau of Fire Protection sa sunog.
Sa kabila ng insidente, inabisuhan muna ang mga empleyado na manatili sa lugar hanggang alas-singko ng hapon.
Bukas din ang pinto ng naturang unibersidad sa lahat ng mga naapektuhan ng paglagablab ngayong hapon.
Apektado rin ng sunog ang mga dormitoryong nagsisilbi para sa mga estudyante ng Adamson, Technological University of the Philippines at mga kalapit na eskwelahan.
NEWS ALERT: Dorms for students from AdU, TUP and other nearby schools were affected by the fire | via KR De Asis/MPIO #AlertoManileno pic.twitter.com/OsQpSe8Q15
— Manila Public Information Office (@ManilaPIO) September 26, 2019
Suspendido na rin ang mga klase sa TUP-Manila, ayon sa kanilang university student government.
"Dahil sa tuloy-tuloy na sunog sa San Marcelino St., idineklara na ni TUP President, Dr. Jesus Rodrigo F. Torres ang suspensyon ng klase sa pamamagitan ni Dr. Dionisio A. Espression Jr., VPAA, epektibo ngayong ika-26 ng Setyembre, 2019," sabi ng paskil sa Inggles.
Inabisuhan din ang mga estudyante na agarang umuwi at lumayo sa pinangyayarihan ng apoy.
Maaari rin daw pansamantalang tumuloy sa TUP Chapel, CIE building room 304, 305 at TUP covered court ang mga naapektuhan ng sunog: "Stay safe TUPIANS!"
Nangangalap na rin ng donasyon ang komunidad ng Philippine Normal University kaugnay ng nangyari.
Good afternoon! We are gathering all help that we can for the PNU students affected by the San Marcelino (Manila) fire incident earlier. Any kind of donation will do for the students po. DM me if you want to help so I can assist you. Thank you! pic.twitter.com/qaSkEgP9sq
— . (@koreanvicerylle) September 26, 2019
Idineklara na ring "under control" ang sunog pagsapit ng 3:58 p.m. — may mga ulat mula kay Russel Palma at The STAR
- Latest