Halalan sa QC, naging matahimik

MANILA, Philippines — Mapayapa at matahimik na nairaos ang halalan kahapon sa Quezon City.

Bago mag-alas dos ng hapon, kasama ni QC mayoralty bet Joy Belmonte ang asawang si Ray at anak na si Gael nang bumoto sila sa Christ the King precinct sa Brgy. Mariana sa Quezon City.

Nakangiting ipinakita sa media ni Belmonte ang kanyang daliri na may tinta, palatandaan na siya ay nakaboto na.

Ayon sa Commission on Election-QC, wala naman silang natatanggap na ulat na mga problema sa lungsod na may kinalaman sa pagsasagawa ng halalan.

Una rito, ganap na alas 7:30 ng umaga ay bumoto rin si dating speaker Sonny Belmonte sa Christ the King precinct sa QC.