Ospital ng OFW itatayo

MANILA, Philippines — Magkakaroon  na ng state-of-the-art facilities ang itatayong P550-milyong ospital para sa mga overseas Filipino worker sa San Fernando, Pampanga.

Ayon kay Labor Secretary Silvestre Bello III, ang itatayong pasilidad para sa pinakaunang DOLE-OFW hospital and diagnostic center ay mula sa P150-milyong donasyon ng Philippine Amusement and Gaming Corp. (Pagcor) habang ang P400 milyon ay sasagutin ng Bloomberry Cultural Foundation Inc.

Inaasahang matatapos ang ospital  sa loob ng 18 buwan, at pangangasiwaan ng Department of Health.

 Sinabi ni Bello na matatanggap ng mga OFW, kanilang pamilya at dependent ang lahat ng kanilang pangangailangang medikal at serbisyo gayundin ang subsidy program ng Overseas Workers Welfare Administration (OWWA) mula sa itatayong ospital.