Ex-AFP comptroller chief 6 yrs. kulong sa perjury

CEBU, Philippines – Hinatulang guilty ng Sandiganbayan dahil sa kasong perjury si dating AFP comptroller retired Lt. Gen. Jacinto Ligot.

Sa desisyon ng anti-graft court, guilty sa anim na bilang ng perjury si Ligot kaya hinatulan siyang mabilanggo ng tig-isang taon sa bawat bilang.

Habang not guilty naman ang naging hatol sa dalawa at naibasura naman ang tatlo pang bilang ng kaparehong kaso.

Nag-ugat ang kasong perjury ng dating comptroller dahil sa maling deklarasyon ng kanyang Statements of Assets, Liabilities and Net Worth (SALN) mula 1993 hanggang 2003.

Si Ligot ay kaagad naglagak na ng kanyang piyansa para sa 6 counts of perjury. 

Matatandaan na si Ligot at dating Major Gen. Carlos Garcia na dati ring AFP comptroller ay nasangkot sa korapsiyon noong 2011 matapos ibunyag ni dating budget officer Lt. Col. George Rabusa na ang mga paalis na AFP chief of staff ay binibigyan ng umanoy “send off gifts” noong panahon ni dating pangulong Gloria Arroyo.