‘Home-to-school roads’ prayoridad ng Ang Probinsyano Party-List
MANILA, Philippines — Nagsisilbing hamon para sa popular congressional candidate na Ang Probinsyano Partylist ang mga malalayong paaralan mula sa mga bahay ng mga estudyante at guro sa probinsya.
Sa datos ng Department of Education (DepEd), nasa 8,000 ang tinatawag na “Last Mile schools” o malalayong eskwelahan sa buong bansa.
“Madalas sa malalayong lugar, kailangang maglakad ng kilu-kilometro ang mga guro sa mga daang maputik at mapanganib para lang makarating sa eskwelahan at makapagturo. Ganito rin ang pinagdaraanan ng mga estudyante sa mga kanayunan na nanggagaling pa sa mga karatig-bayan at araw-araw ay naglalakad para pumasok sa malalayong eskwelahan,” sabi ni AP-PL nominee Alfred Delos Santos.
Sakaling mahalal ang AP-PL sa kongreso, isa sa mga prayoridad nito ay ang pagsisiguro na ang mga kalsada at daan ay mas maging maayos para sa lahat at ito ay magagawa sa pamamagitan ng pagpapalakas ng Access Roads to all Learners (ARAL) Law sa pakikipagtulungan sa DPWH, ayon kay delos Santos.
- Latest