Joy B, top choice pa rin sa QC mayoral race
MANILA, Philippines — Kung ngayon gaganapin ang halalan ay tiyak nang mananalo si Quezon City Vice Mayor Joy Belmonte matapos makakuha ng 75 percent boto, sa pinakahuling independent survey ng RP-Mission and Development Foundation Inc. (RPMD Inc.).
Sa naturang non-commissioned survey na isinagawa noong Marso 1-10, 2019 sa may 3,500 registered voters sa iba’t ibang lugar sa National Capital Region (NCR), nanatili bilang ‘top choice’ ng mga botante sa pagka-alkalde sa QC si Belmonte.
Malayo ang kalamangan niya kay Rep. Vincent “Bingbong” Crisologo, na may 24% lang at dating Rep. Chuck Mathay, na nakakuha ng 1%.
Para sa vice mayor’s position, nakopo naman ni Councilor Gian Sotto ang 42 percent na ungos kay Jopet Sison na nakakuha ng 15 percent at Roderick Paulate, 13 percent.
Bago ang survey ng RPMD Inc., nailampaso rin ni Belmonte si Crisologo sa ginawang survey na kinomisyon ng PUBLiCUS Asia Inc.
Nuong November 16-20 may bilang na 1,800 registered voters sa kabuuan ng Metro Manila kung saan nakakuha si Belmonte ng 59% na malaking lamang kumpara sa 17% ni Crisologo.
- Latest