Water level sa La Mesa dam pinakamababa sa loob ng 21 taon
MANILA, Philippines — Bumaba pa sa critical level ang tubig sa La Mesa Dam, ang pinakamababang level na naitala sa loob ng 21 taon.
Sa Dam Water Level Update ng PAGASA, alas-6 ng umaga kahapon, ang water level ng naturang dam ay umabot sa 68.74 meters, mas mababa sa critical level na 69 meters.
Ayon sa PAGASA, makasaysayan ang patuloy na pagbaba ng tubig sa La Mesa dahil ngayon lamang ito nangyari sa nakalipas na maraming taon.
Noong 1998, nasa 68.75 meters ang pinaka- mababang water level ng La Mesa dam.
Bunga nito, nagtutulong-tulong ngayon ang iba’t ibang ahensiya ng pamahalaan sa pagitan ng Manila Water at Maynilad Water kung paano maiibsan ang nararanasang kakapusan ng suplay ng tubig sa Metro Manila dulot ng pagbaba ng water level sa naturang dam na pinagkukunan ng suplay ng mga nasa eastern part ng MM.
Mula kahapon, aabutin na ng 1.2 milyong kabahayan ang naapektuhan ng water service interruptions sa eastern part ng Metro Manila.
- Latest
