Tulong sa SAF 44 families tuloy pa rin

MANILA, Philippines — Itutuloy pa rin ng Department of Social Welfare and Development ang pagproseso para maipalabas na ang pinansyal na tulong sa mga naulila ng tinaguriang SAF 44 o 44 na tauhan ng Special Action Force ng Philippine National Police na nasawi sa isang palpak na operasyon sa Mamasapano, Maguindanao noong 2015.

Ayon sa DSWD, minamadali na nila ang paglalabas ng first tranche ng Special Financial Assistance sa 71 dependents na nagkakahalaga ng P11,378,338.59. Ang nasabing halaga ay mula sa President’s Social Fund (PSF) ng nakaraang administrasyon sa ilalim ng Social Services Program para sa mga pamilya ng Armed Forces of the Philippines at PNP personnel na napatay sa naturang operasyon.