Total ban sa paputok, inutos ni Duterte
MANILA, Philippines — Inutos na ni Pangulong Duterte ang total ban sa lahat ng uri ng mga paputok sa buong bansa.
Sa mensahe ng Pangulo kamakalawa ng gabi sa Bulacan, sinabi nito na hindi siya mag-aatubiling magpalabas ng Executive Order para sa nasabing pagbabawal ng paputok.
Kinontra rin ng Pangulo ang mga paniniwala ng karamihang mga Pilipino na kaya nagpapaputok tuwing bagong taon ay para maitaboy ang mga masasamang espiritu.
Magugunitang naglabas na ng Executive Order 28 ang Pangulo noong 2017 na naglilimita sa paggamit ng mga paputok at pagtatakda ng mga community fireworks display sa mga barangay at komunidad.
Ipinag-utos na rin nito noong Oktubre ang pagsuspinde sa pagproseso ng mga lisensya at permit sa pabenta at maging ang paggawa ng mga paputok at pyrotechnic devices.
- Latest